گجرات میں شاہ رخ خان کی فلم پٹھان کی پروموشن مہنگی پڑ گئی

 شاہ رخ خان کی فلم پٹھان کی ریلیز سے قبل ہی انتہا پسند ہندو انتہا پسندی پر اتر آئے ، فلم کے پوسٹر پھاڑ دیے اور احتجاج کیا۔

انتہا پسند ہندو تنظیم بجرنگ دال کے کارکنوں نے گجرات کے شہر احمدآباد کے پوش علاقے کے ایک شاپنگ مال میں اپنا غصہ نکالا ۔ شاہ رخ خان اور دیپیکا کی نئی آنے والی فلم پٹھان کے پوسٹر پھاڑ دیئے ۔ فلم کی پروموشن کے حوالے سے لگائی جانے والی اسٹینڈیز ، پوسٹر اور دیگر تشہیری مواد کو توڑدیا اور مال کے مختلف جگہوں میں جہاں پوسٹرز آویزاں تھے انہیں ہٹا دی

شاہ رخ خان کی فلم کے خلاف احتجاج کا یہ سلسلہ اس وقت شدت پکڑا جب فلم دیپیکا پاڈوکوناور شاہ رخ خان کا گانا بے شرم رنگ ریلیز ہوا۔ انتہا پسند ہندوں نے گانے کو مذہبی رنگ سے جوڑا ۔ انتہا پسند ہندوں کا کہنا ہے کہ بے شرم رنگ گانے کے بول اور پھر اس میں دیپیکا کی زعفرانی رنگ کے چھوٹے لباس پر تنقید کی گئی ۔ اس تنقید کا سلسلہ تاحال جاری ہے بلکہ فلم کی ریلیز کی تاریخ قریب آنے کے ساتھ ہی اس احتجاج میں مزید شدت آرہی ہے۔